اکبر حمیدی علیار -ادبی و اجتماعی-

بلكه بو يئرلره بيرده گلديم من

بولوت گؤزله مني، ياغ گؤزله مني

بلكه سنده بيرده سجده قيلديم من

تورپاغ گؤزله مني، داغ گؤزله مني

             گلميشديم مين آرزي، مين ديلك ايله

             گئديرم دوتولموش بير اورك ايله

             دولدور قوجاغيني گول-چيچك ايله

             بوستان گؤزله مني، باغ گؤزله مني

بو اوجا داغلارين اؤز اوغلويام من

شعير اوغلويام من ساز اوغلويام من

 يام-ياشيل ياغمورلو ياز اوغلويام من

شيمشك گؤزله مني، چاخ گؤزله مني

             "عليار"ين گؤزلي كؤوره لدين نييه؟

            قويما آيريليقدان قلبين اينجييه

            يوللارا،-سئوگيليم دؤنه جك- دئيه،

            بويلان گؤزله مني، باخ گؤزله مني.

اكبر حميدي عليار